ALOHA - HÄRZLECH WILLKOMME

Samantha Susanne Beatrice Gerber

i bi ärztl. dipl. Masseurin Zauberin Muse Künstlerin Botschaftsübermittlerin Reisebegleiterin u viles meh, es laht sech fasch nid i Wort fasse… am beste fingsches säuber use was i für di darf si…

Schubladene u Norme simer ds äng u i passe nid dri, si viu ds eggig u kantig - rundige u es fliesse simer lieber… drum fingsch du uf mir Site ou ganz vili schöni Sache wo di ungerstütze i dim eigene Liecht no meh ds strahle u di eiget Wäg ds ga - Gränze spränge oder nöii setze - was für di grad stimmig isch.

Dr Wäg wie die Sache entstöh isch nid nachdem gwohnte, si fliesse aui dür mi u us mir mit hiuf vo mim himmlische Team.

E liebi Fründin hets eis so schön i Wort gfasst - du bringsch Liecht/Liebi id Materie - das fasst so ungefähr mini Arbeit zäme…

Uf mire Läbensreis hani scho viu erläbt, immer wieder nöii agfange wieder ufgstange u witerglofe - mi u mis Liecht drbi gfunge…

I freue mi di mit mire Erfahrig, mine Gabe, mim geistige Team dörfe ds ungerstütze bi dire Reis dürs Läbe hie uf Ärde, Körper Geist u Seel i iklang bringe u i dim Liecht ds erstrahle…